وعدتني ماتفارق عيوني لحظه
وعدتني ماتبعد عن حياتي ثواني
عملتني مااحتاج غيرك طول ما انت موجود
بس بسألك !!
إنت الحين وينـــك؟
رجعت لك صدقني وانا ولهانه عليك وكتبت لك هالشي
وحصل منك رد بالحيل حلو
انزين انت تقول تحبني
بس انا الي سمعته غير
صرت استحي اني اقول انك حبيبي وصاحبي
وصلت نفسي للعنا ويحق لي اشره عليك
اشره علي حظي انا الي رامني في يديك
وصلت نفسي للعنا ويحق لي اشره عليك
اشره علي حظي انا الي رامني في يديك
ضنيت قلبك حبني تبيني قد ماانا ابيك
ياللاسف خدعتني قلي انا وش سويت فيك
ياللاسف خدعتني قلي انا وش سويت فيك
ابي افهم انت بحياتك مااهديتني اغنيه فيها هالكلمات
بس تعرف مو مشكله
مو بشرط تقول اني حبيبتك
وممكن حظك كان خطأ انه رماك بيدي بس انا راح ابعد بما ان هذا ردك لي
وصار حظك شي مو بزين لانه رماك بيدي
بس في شي ابي اعرفه واحترت فيه
انا بشنو خدعتك؟؟
انا حتى بكلامي ويا غيرك
احترم كونك بحياتي
شلون خدعتك؟
ابي اعتذر لو انا بحقك اخطيت
آنا اسفه ولا تلوم حظك لجل انه حطك بطريقي
انا ببعد وانشاءالله حظك يحطك بطريق وحده
تقدركوماتخدعك مثل ماانا سويت
وانت تصير ماتستحي تقول انها حبيبتك
خـالد انا بحياتي كلها ماحبيت احد كثرك انت
انا بس ابي اقول لك
انا بحياتي ماخدعتك بشي وربي
بحياتي ماسويت بحقك شي وخدعتك فيه
لاني مااتذكر بيوم اخفيت عنك شي
انا اكتب لك هالكلام واحس اني مقهوره
لانك تفكر فيني كذا
بس اذا راحتك ببعدي انا ابي راحتك
صدق بشتاق لك
وراح اوله عليك
صدق بشتاق لكل شي فيك
لكن بعد راحتك فوق كل شي
ولا تفكر اني متضايقه منك
او حتى زعلانه بالعكس بحياتي
مازعلت ولا تضايقت منك
ممكن بعد هالشي مايهمك الحين
بس قلت ممكن باقي شي لي عندك
لاني اول مره احس انك كرهتني
انت كرهتني بجد؟
بكل صراحه الاغنيه كانت صدمه علي
ممكن انا السبب بهذا الشي
ممكن اكون حملتك شي فوق الي تقدر عليه
آنا اسفه
ابي اطلب منك طلب اخير
ماابي اطلب منك تتذكرني
لاني اتوقع انك بتنساني
لكن ابي لا جلست بروحك بيوم وتذكرتني
اذكرني بالخير
يعني سامحني على كل شي سويته بحقك وكان خطأ
ممكن بعد مايحق لي اطلب منك هالطلب
لكن اذا سويت العمليه
طمني عليك
مو بلازم تكلمني بس ارسل حقي مسج
واوعدك مابرد بس بطمن لجل اكون مرتاحه انك بخير
وما اخاف عليك
طيب بسألك شلون بتنسى ايامي وياك
يعني بيهون عليك؟
كلامنا ضحكنا كل ذا بتنساه
طيب تتوقع كل هذا كنت اخدعك فيه مثل ماانت تقول!!
او بالاصح الاغنيه الي اهديتني هي !
بترك كل هــذا ابي اقول لك شي بقلبي..
آحبك حيل وربي ماكذبت بهذا الشي
ولا اتعمدت بيوم ازعلك
ولا حتى خدعتك بيوم
يا كثر الي اشوفه
لكن كنت بكل مكان ادخله اكتب فيه اني احبك
لجل محد يتجرأ ويتقرب مني
من عرفتك ماشفت غيرك قدامي
ولا تمنيت غيرك
تتوقع اخطيت لا مني تمنيتك؟؟؟
اسفه لو كان هالشي مو من حقي
طول ماانا كنت وياك
كنت افكر انك لي
بس الحين اشوفك مو لي
واذا تبي بعدي
راح ابعد
بغير حساباتي
وماراح تشوفني
وخذ هالشي وعد مني
ماراح تشوفني دام شوفتي بتضايقك
وربي انا مااقدر ابعد بس اذا فيها راحتك
ببعد
ممكن انت تعرف اني مااعرف اسوي شي بدونك
ولا انجبرت على شي اسويه وانا متضايقه منه
كنت اسويه واقول لك ابقى وياي
كل هذا لاني احبك
لا انا اعشقك وربي احب وجودك
وراح اتعب لا بعدت
لكن قبل لا اخذ نفسي واطلع من حياتك
ابي منك تنتبه حق روحك
اكثر من كذا ماابي
وراح اكون عند وعدي
بغير حساباتي وماراح تشوفني
اتمنى تتذكرني بالخير
هذا لو تذكرتني...
ليست هناك تعليقات:
إرسال تعليق