ماتخيلت بيوم اتركك آمممم عارفه انك بتدخل بيوم
وبتشوف كلامي مااعرف متى
بس أكيد إنك بتقراه
حبي لك ماكان شي عادي
وبحياتي مافكرت ابعد عنك
بس ممكن الظروف كانت اصعب مني
المشكله اني بحياتي مافكرت بهذا التفكير
إن الظروف تبعد شخص عن واحد روحه معلقه فيه
وانا روحي تعلقت فيك
حبيتك بجنون
وأدمنت وجودك ضحكك كلامك جنونك وحبك
وتصرفاتك حتى زعلك ورضاك
لوتسألني على شنوندمانه
بقول لك ندمت اني تركتك بساعه كنت انت محتاجني فيها
ندمت على كل ثانيه بعدتها عنك وكنت ويا ناس ممكن
مايستاهلون اني اجلس وياهم
ندمت على لحظة تسرع تسرعت فيها وخليتك تنام وانت متضايق
بتسامحني على هذا كله؟!!
مااعرف شلون بتعدي ايامي بدونك
وربي راح اتعذب
راح اموت من ولهي عليك
وربي ماراح اقدر انساك
لما ابعد راح ابقى شاغله تفكيري فيك
وربي خايفه عليك
تتعب وانا بعيده عنك وماادري بهذا الشي
خايفه عليك من الي حولك
ياليتك كنت مني قريب
ياليت انك ماتبعد عني لجل اشخاص بحياتي
عمري ماشفت احد يحبني
ويخاف علي ويغار علي كثرك
هذا كله بفتقده
ممكن اخفي حبي بقلبي
بس دموعي ماراح توقف
خالد ابي العالم كله يعرف اني لك
وربي اني لك ماابي اكون لغيرك
طيب انا ماطلبت من هالدنيا شي غيرك
ماابي منها شي غيرك انت
مااعرف ليه الدنيا رافضه تعطيني وجودك بحياتي
عمري ماتمنيت شي كثر ماتمنيت قربك مني
احبك بالحيل .. اغار عليك وربي من نفسي اغار عليك
واخاف عليك من الدنيا الي حولك
خالد طلبت من دنيتي انت
ودنيتي حرمتني وجودك
الحين ماعدت ابي غير انك تكون بخير من بعدي
ولو إنك راح تتعب من بعدي
يــارب ياخالد تنساني وتحصل الي احسن مني
ممكن تستغرب كلمتي لو قريتها
لكن اتمنى انك تنساني وتحب غيري ولا تتعذب وياي
وربي ياخالد اني على غيرتي عليك
وخوفي وحبي لك
الا اني اتمنى لك كل خير
ولو حصلت الي احسن مني
وانا اعرف انها بتسعدك
وربي بكون اكثر وحده مبسوطه لك
لانك تستاهل كل خير
ولا تستاهل انك تتعذب من بعدي
ابيك تكون بخير
من بعدي وأنا براحتك بكون مرتاحه
أحــــــــــــــبك..
ليست هناك تعليقات:
إرسال تعليق