يمكن قدامك انا مااعرف اتكلم
والحين بجبر روحي اتكلم هنا
مااعرف ياخالد من وين ابدأ بس الي اعرفه اني ابي قربك وممكن هذا اكثر شي تمنيته
لدرجه مرات افكر لو اني شفتك وجلست قدامي بكون وياك مثل ما انا وياك بالمسن
ولا ببقى اطالع ملامحك وهيئتك لجل لاغبت عن عيني اتذكر تفاصيلك ...
ومرات من ضيقتي افتح صورتك واترك الجوال عند راسي واقفل عيوني واحكي كل الي بخاطري لك
انت مو وياي وقتها ولا تسمعني ولا تحس فيني بس مجرد احط صورتك بقربي واقفل عيني احس فيك
احس انك وياي وتسمعني وتجاوبني بعد ...
واكثر شي اكرهه بنفسي لاصوتك غاب عني وربي خالد اول مره احس روحي متعلقه بشخص مثلك
مجرد صوتك يغيب بين روحي اقول اني ابيك كثير مواقف اكون فيها ابيك واكون محتاجه لوجودك وياي...
صار كل شي بحياتي مربوط فيك ممكن ابسط الامور اذا وحده من صديقاتي مسكت يدي وتقعد تسولف
اكون اطالعها اي بس افكر شلون لو من مسك يدي انت شنو وقتها بيكون احساسي ..
خاطري تكون موجود بحياتي لاضحكت انت الي عينك تشوفني ولا بكيت انت الي ابيه قربي ولاشتقت لك احصلك بكل
مكان وياي خاطري لا غفيت انت اخر شخص اشوفه واسمع صوته واكون قريبه منه ولا قعدت من نومي انت اول شخص
اشوفه بقربي واحس بوجوده..
خاطري اكون بحياتك كل شي .. خاطري اشوفك اذا طلعت للجامعه واذا رجعت منها .. خاطري بس مره وحده
لاطلعت للجامعه اضمك واكون قريبه لك واقول لك اني احبك وراح اشتاق لك طول ماانت فيها
واذا رجعت بعد ارجع اضمك وارجع اقول لك احبك واسمعها منك ...
ابي اشوف بعيونك شلون انت تشتاق لي وشلون انت تحبني
ابي اشوف زعلك لما تغار علي ابي اشوف ملامحك وانت تقول لي ولهت عليك
ابي احس بشقاوتك ابي اعرف هدوئك ابي اسوي لك كل شي تبيه كل شي تطلبه كل شي يجي على بالك تبيه
لدرجه تمنيت العب وياك سوني على كثر ماتحكيني عنه واقعد اتشاقى عليك واعصبك واضحك عليك
ابي اعيش وياك كل لحظه كل وقت يمر كل شي بحياتك ابي انا اكون فيه
والله ماادري ياخالد شنو بعد باقي بس كتبت لك اغلب الاشياء الي اتمناها
وباقي شي واحد ببالي لو تحقق اوعدك باللحظه الي يتحقق فيها بقول لك هذا الي كنت بجد اتمناه
آحبك
ليست هناك تعليقات:
إرسال تعليق